مغربية// قصيدة زجلية // بقلم المتألقة// سهيلة مسة

 المغربية

لعلى قلبي على لساني

قولْ وعاود قولْ

مغربية بنت الأصال والجودْ

مَنعرف خُبْث المعاني

مَنعرف نَرْمي سهامي 

ليفِها الخير نُولْ

بلا مَنْلَف بْلا مَنْدورْ

منْجَرَحْ حَدْ

نرتاح ونْبَعَدْ 

بِنْتْ بلادي غْزالة

للْعْشَرَة ما هيَ بْدّالة

بالأخلاق تْتْباهى

من يديها لْحْداݣة ما تَنْساها

لِعْلى قلبي على لساني 

نقول ونزيدْ نقولْ

بنت بلادي تبارك الله عليكْ

ديرها في اكتافك أُوما تْخلّى عليكْ

مَاتْخَمَّمْ

ما تْهَزْ لْهَمْ

تَبْني معها لٔقصورْ

وتْعيش معها مْبْشورْ

مغربية بنت الشُّرْفا

لْما لْمْخَوَّضْ عَنْدها يْصْفا 

ولْكلام فْحَقْها ما يْكْفا

🌼🌼🌼

بقلمي سهيلة مسة.المغرب

أول محاولة زجلية