شربت من ما(ء) الغدير// بقلم المبدع// عبد الرحيم العابد
/ شربت من ما(ء) لغدير
------------------------------ (زجل)
شربت من ما(ء) لغدير وارويت
واتلحفت....بنور الكمرة زهواني
اجذبت جذيب المولوع غيواني!
اوصليت في محراب العاشقين
شميت الورد والزهر والياسمين
افرحت قلت الزهو معايا ايطول
حسراه
حسراه
انا اللي كنت فالسما طير
انا اااااااللي ارجعت طوير
* مسجون فالقفص انغني اهمومي!
انا اللي كنت حارس ااالبحور
انا اللي كنت انسر من النسور
انا اللي أرجعت قاايد كيدور
انا اللي بعت عز ما عندي ايماني
انا اللي بعت النخوة او قل شاني
انا ااااااالمشموت في حقو برضاه
*تلفت المرسم حكموا احكام جايرة
*ارضيت واااااحذرت الراس مذلول
*عدموني واعدمت راسي يا وطني
(اسمح لي اول غلطة فاحياتي
درتها بيديا و علاش كانخمم)
دقوا البيبان دقوا بابي وانا ساهي
واجبرت راسي وسط ارياح قوية
من طير اصبحت طوير محبوس
آه طربوا على انغامي وانا الحزين
-- انا --
الطير المذبوح الراقص فاذبيحتو
لا اتضنوا فقت من النعاس و انا النايم
انا فيافي الصحاري مع بارود العديان
*ياك لعجاج خو لعجاج والدخان شاااهد علينا؟
*و يلا اانسيت سولوا الحراز سولوه بالعلالي!
*اش دارت خياااام االشام محكورة بايتة بالهم اتلالي!
وانا المولوع بحب االريم
والريم بِحَر النشبة ايعاني
نجذب نجذب او نجذب
في حضرة الجذبة انبوح
انا يا ناس الطير المذبوح
انا قصة اغرام بين عاشقين
ماشي قصة روميو وجوليت
قصة عربية سجلها اااالتاريخ بدمي!
في حب وطن مغلوب على امرو ايكابد!
العابد عبد الرحيم:1.2.3.4./07/2020
المحمدية بحر بلا شاطيء
تعليقات
إرسال تعليق